ಮೂಲಶ್ಲೋಕ-ತೃತೀಯೋಽಧ್ಯಾಯಃ
॥ ಓ̐ ॥
ಯ
ಏಕೋ ಜಾಲವಾನೀಶತ ಈಶನೀಭಿಃ ಸರ್ವಾ̐ಲ್ಲೋಕಾನೀಶತ ಈಶನೀಭಿಃ .
ಯ
ಏವೈಕ ಉದ್ಭವೇ ಸಮ್ಭವೇ ಚ ಯ ಏತದ್
ವಿದುರಮೃತಾಸ್ತೇ ಭವನ್ತಿ ॥೦೩.೦೧ ॥
ಏಕೋ
ಹಿ ರುದ್ರೋ ನ ದ್ವಿತೀಯಾಯ ತಸ್ಥುರ್ಯ್ಯ ಇಮಾ̐ಲ್ಲೋಕಾನೀಶತ ಈಶನೀಭಿಃ ।
ಪ್ರತ್ಯಙ್ಜನಾಸ್ತಿಷ್ಠತಿ
ಸಞ್ಚುಕೋಚಾನ್ತಕಾಲೇ ಸಂಸೃಜ್ಯ ವಿಶ್ವಾ ಭುವನಾನಿ
ಗೋಪಾಃ ॥೦೩.೦೨ ॥
ವಿಶ್ವತಶ್ಚಕ್ಷುರುತ
ವಿಶ್ವತೋಮುಖೋ ವಿಶ್ವತೋಬಾಹುರುತ ವಿಶ್ವತಸ್ಪಾತ್ ।
ಸಂ
ಬಾಹುಭ್ಯಾಂ ನ(ಧ)ಮತಿ ಸಂಪತತ್ರೈರ್ದ್ದ್ಯಾವಾ ಪೃಥಿವೀ(ಭೂಮೀ) ಜನಯನ್ ದೇವ ಏಕಃ ॥೦೩.೦೩ ॥
ಯೋ
ದೇವಾನಾಂ ಪ್ರಭವಶ್ಚೋದ್ಭವಶ್ಚ ವಿಶ್ವಾಧಿಪೋ ರುದ್ರೋ ಮಹರ್ಷಿಃ ।
ಹಿರಣ್ಯಗರ್ಭಂ
ಜನಯಾಮಾಸ ಪೂರ್ವಂ ಸ ನೋ ಬುದ್ಧ್ಯಾ ಶುಭಯಾ ಸಂಯುನಕ್ತು ॥೦೩.೦೪ ॥
ಯಾ
ತೇ ರುದ್ರ ಶಿವಾ ತನೂರಘೋರಾಪಾಪಕಾಶಿನೀ ।
ತಯಾ
ನಸ್ತನುವಾ ಶಂತಮಯಾ ಗಿರಿಶನ್ತಾಭಿಚಾಕಶೀಹಿ ॥೦೩.೦೫ ॥
ಯಾಮಿಷುಂ
ಗಿರಿಶಂತ ಹಸ್ತೇ ಬಿಭರ್ಷ್ಯಸ್ತವೇ ।
ಶಿವಾಂ
ಗಿರಿತ್ರ ತಾಂ ಕುರು ಮಾ ಹಿ̐ಸೀಃ
ಪುರುಷಂ ಜಗತ್ ॥೦೩.೦೬ ॥
ತತಃ
ಪರಂ ಬ್ರಹ್ಮ ಪರಂ ಬೃಹನ್ತಂ ಯಥಾನಿಕಾಯಂ ಸರ್ವಭೂತೇಷು ಗೂಢಮ್ ।
ವಿಶ್ವಸ್ಯೈಕಂ
ಪರಿವೇಷ್ಟಿತಾರಮೀಶಂ ತಂ ಜ್ಞಾತ್ವಾಮೃತಾ ಭವನ್ತಿ ॥೦೩.೦೭॥
ವೇದಾಹಮೇತಂ
ಪುರುಷಂ ಮಹಾನ್ತಮಾದಿತ್ಯವರ್ಣ್ಣಂ ತಮಸಃ ಪರಸ್ತಾತ್ ।
ತಮೇವ
ವಿದಿತ್ವಾತಿಮೃತ್ಯುಮೇತಿ ನಾನ್ಯಃ ಪನ್ಥಾ ವಿದ್ಯತೇಽಯನಾಯ ॥೦೩.೦೮॥
ಯಸ್ಮಾತ್
ಪರಂ ನಾಪರಮಸ್ತಿ ಕಿಂಚಿದ್ಯಸ್ಮಾನ್ನಾಣೀಯೋ ನ ಜ್ಯಾಯೋಽಸ್ತಿ ಕಶ್ಚಿತ್ ।
ವೃಕ್ಷ
ಇವ ಸ್ತಬ್ಧೋ ದಿವಿ ತಿಷ್ಠತ್ಯೇಕಸ್ತೇನೇದಂ ಪೂರ್ಣಂ ಪುರುಷೇಣ ಸರ್ವಮ್ ॥೦೩.೦೯॥
ತತೋ
ಯದುತ್ತರತರಂ ತದರೂಪಮನಾಮಯಮ್ ।
ಯ
ಏತದ್ವಿದುರಮೃತಾಸ್ತೇ ಭವಂತ್ಯಥೇತರೇ ದುಃಖಮೇವಾಪಿಯನ್ತಿ ॥೦೩.೧೦॥
ಸರ್ವಾನನ
ಶಿರೋಗ್ರೀವಃ ಸರ್ವಭೂತಗುಹಾಶಯಃ ।
ಸರ್ವವ್ಯಾಪೀ
ಸ ಭಗವಾಂಸ್ತಸ್ಮಾತ್ ಸರ್ವಗತಃ ಶಿವಃ ॥೦೩.೧೧॥
ಮಹಾನ್
ಪ್ರಭುರ್ವೈ ಪುರುಷಃ ಸತ್ವಸ್ಯೈಷ ಪ್ರವರ್ತಕಃ ।
ಸುನಿರ್ಮಲಾಮಿಮಾಂ
ಪ್ರಾಪ್ತಿಮೀಶಾನೋ ಜ್ಯೋತಿರವ್ಯಯಃ ॥೦೩.೧೨॥
ಅಙ್ಗುಷ್ಠಮಾತ್ರಃ
ಪುರುಷೋಽನ್ತರಾತ್ಮಾ ಸದಾ ಜನಾನಾಂ ಹೃದಯೇ ಸನ್ನಿವಿಷ್ಠಃ ।
ಹೃದಾ
ಮನೀಷಾ ಮನಸಾಭಿಕ್ಲೃಪ್ತೋ ಯ ಏತದ್ ವಿದುರಮೃತಾಸ್ತೇ ಭವಂತಿ ॥೦೩.೧೩॥
ಸಹಸ್ರಶೀರ್ಷಾ
ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ ।
ಸ
ಭೂಮಿಂ ವಿಶ್ವತೋ ವೃತ್ವಾ ಅತ್ಯತಿಷ್ಠದ್ದಶಾಙ್ಗುಲಮ್ ॥೦೩.೧೪॥
ಪುರುಷ
ಏವೇದꣳ ಸರ್ವಮ್
ಯದ್ಭೂತಂ ಯಚ್ಚ ಭವ್ಯಮ್ ।
ಉತಾಮೃತತ್ವಸ್ಯೇಶಾನಃ
ಯದನ್ನೇನಾತಿರೋಹತಿ ॥೦೩.೧೫॥
ಸರ್ವತಃ
ಪಾಣಿಪಾದಂ ತತ್ ಸರ್ವತೋಽಕ್ಷಿಶಿರೋಮುಖಂ ।
ಸರ್ವತಃ
ಶ್ರುತಿಮಲ್ಲೋಕೇ ಸರ್ವಮಾವೃತ್ಯ ತಿಷ್ಠತಿ ॥೦೩.೧೬॥
ಸರ್ವೇನ್ದ್ರಿಯಗುಣಾಭಾಸಂ
ಸರ್ವೇನ್ದ್ರಿಯವಿವರ್ಜ್ಜಿತಂ ।
ಸರ್ವಸ್ಯ
ಪ್ರಭುಮೀಶಾನಂ ಸರ್ವಸ್ಯ ಶರಣಂ ಸುಹೃತ್ ॥೦೩.೧೭॥
ನವದ್ವಾರೇ
ಪುರೇ ದೇಹೀ ಹಂಸೋ ಲೇಲಾಯತೇ ಬಹಿಃ ।
ವಶೀ
ಸರ್ವಸ್ಯ ಲೋಕಸ್ಯ ಸ್ಥಾವರಸ್ಯ ಚರಸ್ಯ ಚ ॥೦೩.೧೮॥
ಅಪಾಣಿಪಾದೋ
ಜವನೋ ಗ್ರಹೀತಾ ಪಶ್ಯತ್ಯಚಕ್ಷುಃ ಸ ಶೃಣೋತ್ಯಕರ್ಣ್ಣಃ ।
ಸ
ವೇತ್ತಿ ವೇದ್ಯಂ ನ ಚ ತಸ್ಯಾಸ್ತಿ ವೇತ್ತಾ ತಮಾಹುರಗ್ರ್ಯಂ ಪುರುಷಂ ಮಹಾಂತಂ ॥೦೩.೧೯॥
ಅಣೋರಣೀಯಾನ್
ಮಹತೋ ಮಹೀಯಾನಾತ್ಮಾ ಗುಹಾಯಾಂ ನಿಹಿತೋಽಸ್ಯ ಜನ್ತೋಃ ।
ತಮಕ್ರತುಃ
ಪಶ್ಯತಿ ವೀತಶೋಕೋ ಧಾತುಃ ಪ್ರಸಾದಾನ್ಮಹಿಮಾನಮೀಶಮ್ ॥೦೩.೨೦॥
ವೇದಾಹಮೇತಮಜರಂ
ಪುರಾಣಂ ಸರ್ವಾತ್ಮಾನಂ ಸರ್ವಗತಂ ವಿಭುತ್ವಾತ್ ।
ಜನ್ಮನಿರೋಧಂ
ಪ್ರವದನ್ತಿ ಯಸ್ಯ ಬ್ರಹ್ಮವಾದಿನೋ ಹಿ ಪ್ರವದನ್ತಿ ನಿತ್ಯಮ್ ॥೦೩.೨೧॥
*********
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ